Ice cream cone sa daga

Nabutasan ko an sakuyang ice cream cone sa daga,
Agang aga na ako paha,
Sa tinampo kun saan an mga aki amay magmata,
Ta su mga ina ninda agang aga buhay nin may buhay an pighuhurunan.

An sakuyang ice cream cone sa daga natutunaw arog kong dai makahiro,
Nagduman sako an mga aki pig-uuyam akong naghibi nagdalagan sa harong,
Sa bintana, pigluwas ko payo kong sadit,
Buda pighiling an ice cream cone kong tunaw na an lipot,
An hamis nag-iba na sa daga,

Mapamahaw na daa; tingog ni ina na hali sa kusina,
Pinamara ko muna sakuyang mata bago ako naghiro,
Sa mesa kun saen nakatukaw si mama buda papa,
Sakuyang ngirit bumutwa.