Bionote

Sa kinaban nin pamilya siya naglaog, siya sa tabi nin baybay na dai makahiling sa aldaw, supog pumupulupot saiyang liog sa init na uran nin langitnon. saiyang labi batak batak sa pagpugol sa liwoy na magluwas, dakul siyang nais itaram, pero an daghan niya matarom na alon, baka ini magduman sa sentro at makagadan.

Duman sana siya sa baybay, pighihiling an sadiri, siya an dagat; traydor. Dai pa pano niya makontrol an saiyang mga pandama. Sarong aldaw, nahiling niya giraray ang midbid niyang parabangka, pigalok siya kaito na maglunad.

Tuninong an dagat nin aldaw na iyon, hiling an aldaw bako makasilaw, igwang bayong na dumapo sa iyang abaga. Luway luway naglakad siya parani sa maliwanagon na bangka.