Duwang kalag sa nagbabang paglaom na nasulo

Gare mabagsak kay Ian an simbahan na sanggatos na taon na nabubuhay, tuod sana siya sa harap nin Cristori, pighahalat an luway luway na simbahan na nagbababa.

An mga tawo daing ngimot pero sinda nagtataram na si Ian maguli na, nahiling niya an saindang bintana pagtangad niya sa langitnon, dakulon an gasera sa indang sadit sanang laugan nin paros.

Saiyang mga bitis pighihigop nin daga, harani na an simbahan sa iyang simbahan saiyang payo, hararom an hinghing nin paros, napakatagal nin pagbaba nin simbahan pero an kaskas nin saiyang puso dai niya mahabol.

Sa sarong kaunan, piglalaog na ni Che an mga botelya nin serbesa sa case. Nagharap siya sa bentilador sa kisame. Malipot an saiyang daplos, an tama nin artipisyal na paros saiyang likod palad nin agom niya na nagadan sa Dubai.

Nagluwas sa pinto an sarong matabang babayi, nagduman ito sa tahaw nin mga madudusing na mesa. Nagmamadali na pigpunasan ni Che an dumog buda mga malagkiton na mesa.

Naguli si Che saindang harong, nakatayo sa pinto an sarong anino, igwang usok hali saiyang kamot, harayo pa siya, nagtaram an anina kun bakit siya ngunyan lang.

Nagiwal sinda

Si Che solo solo sa bangui na nagagadan.

sin