Isang paghinto

Isang Paghinto

Kinain ko ang ulan
Na bumuhos sa ilalim ng aking long,
Bumili ako ng prutas sa palengke ng gabi
Ngunit ‘di na nakapigil ang langit,
Tila anino na lamang ang mga taong humagip sa akin,
Pauwi, sa isang bangketa,
napasandal ako sa posteng nagsalba sa akin,
Duon hinintay ko ang pagtila,
Habang tiyak nag-aalala sila sa aking
Di nagdala ng cellphone.

Kamas kamas an daramlagon sakuyang ninamitan

Kamas kamas an daramlagon sakuyang ninamitan
Sa pagtukaw ko sa awot,
Pauli, solamente, hali sa lamay nin barkadang piggadan nin hilang,
Dai maginibo an sakong mga bareng tuhod
kundi an magtukaw, maghigda sa daliwawa sa plaza.

An mga ilaw na plos nagluluwas nin enerhiya
Na magneto sa ngiti nin mga nagraralakaw, nagtarambay,
Naghahalat nin sanribong rason
Kun sain mahahanap an tuninong pagka bangui.

Maugma ako na makahiling ki mga buhay,
Nalilingawon ko an harayong kagadanan,
An sakong naghihibing tulak
Na nagaapod nin salabat,
Dai lamang akong kusog na magduman sa simbahan
Kun sain igwang libreng pampahilam nin siklab.

Harani sa mga burak garo muya ko paagihon an bangui,
Pano kun mapagtripan ako nin adik na kutsilyo,
O mabungag nin mga dagit na kamot,
An mga puso nin nagkakalayong kadlangan?
An bilog na bulan,
Habo kong magin pula.

An simbahan sakong likuran sakong pigmaan,
Dakul an tawo sa kapaskuhan,
Misa de gallo,
sakong hinangos patos nin kurab,
an ribok nin kinaban,
pigluway an makusugong salog sakong daghan,
may kasama ako
silensiyong pigtaram nin nagraning aki
na may maationg palad.

sarong aki an nagrani sako
naghahagad nin tabang

Minatawag nin kagadanan ang bilog na bulan

Minatawag nin kagadanan ang bilog na bulan.
Daramlagon nababatak an sakuyang mga tulang,
Akong tuninong na nakahigda digdi sa awot,
Sa awot na rekwerdos nin sarong pagkamoot,
Pagkamoot na an bulanon pandama mi
Sa malipot na bangui nin maugmahong solamente
Nin duwang nagkasararong kalag.

Ngunyan,
Tabak an paros na minaagi sakong halunan,
An awot piglulugadan an sakong mga bitis,
Pighihiling ko na sana sa harayo
An higdaan na nektar nin maugmahong kahapon.

Panahon, nuarin kaya kita mamimidbidan,
An daramlagon dai ko pa mapandukan,
Dai kaya yaon kamo para kami tukduan…

Mara na an sakong tasa nin kape,
Palsok na an ilaw sa kwarto ni mamay,
Digdi sa harong na dinuduman mi
Na kun sain kami alibangbang sa bangui.
Nadangog ko an mga bayong,
Pigaapod ninda ako na magpahingalo.
Tama na muna an muto-muto taram ko sa sadiri,
Pighiling ko an bilog na bulan,
an pandok pigtatakluban nin mga itom na dampog.

Daing Magpaaram Asul na Langitnon

Bobombahin daa ninda an Albay,
Padagos an pagrorosaryo nin mga gurang sa simbahan,
ngunyan kaiba ninda an mga aki,
nangangadyi na an asul na langitnon dai maghali.

Mapaaram na ba ako sa mga barkada kong bayong
Na nagpaparumdom na an sikreto nin buhay
Magin kontento sa kun anong igwa ako.

Matayo pa ba ako ki harong pag sararo na an kinaban?
An Naga buda Albay magkakasararo
Pagsasaruin ki bomba,
Daing magiginibo an pigaapod ninda na pagkamoot,
Makasupog kun bomba an rason para madangog ta an lambang saro.

Baka dai na nin Pilipinas sa aga
An mga ataman kong ayam
Nagigiulok sinda kaiba nin mga bayong,
matakla an mga dampog sa tigbabayong hapon.

Bobombahin daa ninda an Albay,
Padagos sinda sa pagkawat nin Dota, nin basketball,
Bobombahin daa an Albay,
Kaya pigkarat niya an saiyang ilusyon
Kaya nagkaon siya ki masesebong karne.
Kaya pigbasa niya an paborito niyang rawitdawit sa kubeta.

Asul na langitnon mahali ka kaya?
Muya ko saimo mag-iba.

Bobombahin daa ninda an Albay,

Bobombahin daa ninda an Albay,
Padagos an saimong pagrorosaryo nin mga gurang sa simbahan,
ngunyan kaiba ninda an mga aki,
nangangadyi na an asul na langitnon dai maghali.

Mapaaram na ba kita sa mga barkada tang bayong
Na nagpaparumdom na an sikreto nin buhay
Magin kontento sa kun anong igwa kita.

Sain ako matayo ki harong pag sararo na an kinaban?
An Naga buda Albay magkakasararo
Pagsasaruin ki bomba,
Daing magiginibo an pigaapod ninda na pagkamoot,
Makasupot kun bomba an rason para madangog ta sa lambang saro.

Baka dai na nin Pilipinas sa aga
An mga ataman kong ayam
Nagigiulok sinda kaiba nin mga bayong,
matakla an mga dampog sa tigbabayong hapon,

Bobombahin daa ninda an Albay,
Padagos sinda sa pagkawat nin dota, nin basketball,
Bobombahin daa an Albay,
Kaya pigkarat niya an saiyang ilusyon
Kaya nagkaon siya ki masesebong karne.
Kaya binasa niya an paborito niya na rawitdawit.